Current affairs

Rummy Монголд ирнэ

8 Comments

АНУ-ын Батлан хамгаалахын сайд D. H. Rumsfeld ирэх долоо хоногт Хятадад айлчлахаар болжээ. Хамгийн сонирхолтой нь тэрээр Монголд бас очих юм байна. Rumsfeld мөн Өмнөд Солонгос, Казахстан, Литва зэрэг улсуудаар дайраад гарах бололтой. Өмнө нь Rumsfeld энэ үеэр Японд очих талаар яригдаж байсан бол, түүний төлөвлөгөө ийнхүү өөрчлөгдсөн байна.

Сүүлийн үед АНУ, Хятадын харьцаа нэг их сайнгүй байсан билээ. Мөн Дундад Ази дахь АНУ-ын байр суурь сүүлийн саруудад ихээхэн суларсан, тухайлбал АНУ Узбекистан дахь цэргийн базаа алдсан. Энэ утгаараа АНУ-ын Батлан хамгаалахын сайдын айлчлал ач холбогдол ихтэй байх нь ойлгомжтой. Тэр Монголд ямар асуудал ярих бол?

Reuters-ын мэдээ

Continue Reading

Music/Film

Мээдээ

10 Comments

Камертоны дөрөв бие даасан уран бүтээл хийж хамтлагийнхаа 10 жилийн ойг тэмдэглэхээр болсон билээ. Болд ч энэ зун яах аргагүй балай авсан л даа, Ганаа ч бас зундаа багтаагаад цомгоо гаргаж амжсан байх. Мөн Эбагийн соло дууны клип зурагтаар гараад байх шиг байсан. Харин Мээдээгийн дуунууд ер сонсогдоогүй. Камертоны “June 24” цомгийн “Би алхаж явна” гэдэг дуу надад таалагддаг байж билээ, би яагаад ч юм Мээдээг тиймэрхүү стильтэй дуу хийнэ байх гэж бодоод, түүний цомгийг хальт сонирхож байлаа.

Ямар ч байсан сая Мээдээгийн эхний синглыг олж сонсов… уул нь тэр асар жазз цомог хийж байгаа гэж зарлаад байсан биш жазз нэг их сонсогддоггүй байна шт, more like spanish guitar. Жазз гэснээс Хулан нэг жазз цомог гаргахгүй юм байхдаа…

Мээдээ – Ti amore

Continue Reading

Current affairs

Бороо мөн global warming

8 Comments

Саяхан л би намар сайхан улирал, бүрхэг тэнгэр гоё шүү гээд хөөрөөд байсан биш юу юугүй жинхэнэ намар болдог байна шүү. Сүүлийн хэд хоног энд зогсоо зайгүй бороо орлоо, Нью Йоркийн тэнгэр уйланхай хүүхэд мэт л байна. Би бээр саяхан асар том хөрөнгө оруулалт хийж, шинэ шүхэр худалдаж авсны хэрэг ч гарч байна шүү, шүхэргүй явалтгүй байгааг хэлэх үү… Одоо нэг борооны цувтай болчихвол ч… бонд гаргадаг юм уу гэсэн, 😀

Гэснээс, АНУ-ын National Oceanic and Atmospheric Association (NOAA) хэмээх байгууллагын эрдэмтдийн үзэж буйгаар, жил ирэх тусам дэлхийн цаг агаар хэлбэлзэл ихтэй болж байгаа гэнээ . Өөрөөр хэлбэл, цаашдаа цаг агаарын аюултай үзэгдэл ихэсч, хуй салхи, шуурга, ган зуд тохиолдох магадлал эрс өндөр болно гэсэн үг. Зарим эрдэмтэд үүнийг геологийн шинэ эрин хэмээж ч байна. Хэдий хүмүүс уг үзэгдлийг global warming-тэй шууд холбож тайлбарлахаас зайлсхийж байгаа ч, дэлхийн цаг уурын өөрчлөлт үүнд ихээхэн нөлөөлж байгаа талаар хэвлэлээр их ярих болов.

Монголын цаг агаар, байгаль орчинд global warming хэрхэн яаж нөлөөлж байгаа талаар судалгаа хийгдэж байгаа болов уу? Далайд гарцгүй юм чинь манайд ямар ч байсан Катрина шиг аюул учрахгүй нь ойлгомжтой… гэхдээ ган ч бас хэцүү шүү… Ус ихэдвэл нэг хэцүү, багадвал нэг хэцүү… хэцүү ч юмаа даа. Дээрээс нь цөлжилт гэж нэг аюул байна…

Ямар ч байсан global warming-ийн эсрэг тэмцэлд өөрийн хувь нэмрээ оруулахын тулд аль болох эрчим хүч хэмнэж, нийтийн тээврээр зорьчиж, мод тарих хэрэгтэй байх… Яанаа, өрөөнийхөө гэрлийг унтраал уу яалаа?

Continue Reading

Current affairs

Айдас

28 Comments

Нью Йоркод амьдрах түгшүүртэй болсон юм шиг… Al Qaeda Нью Йоркийн нийтийн тээвэрт халдаж болзошгүй байна гэдгийг сонсоод өөрийн эрхгүй метрогоор явахаас нэг л зүрхшээдэг боллоо. 911-ын дараа тэнгэрт онгоц харахаар эвгүй оргиод байсан биш одоо том цүнх барьж яваа хүн бүр террорист мэт харагддаг болох нь… Түрүүн салют буудахад хүртэл учиргүй сандарч, хаана юу тэслээд унав аа гэж бодож эхэлж байна лээ шүү.

Террористууд Нью Йоркод дахин халдсан халдаагүй, тэд өөрсдийн зорилгыг гүйцэтгэсэн мэт. Тэд айдас төрүүлж чадсаар байна, тэд хүмүүсийг байнгын түгшүүрийн байдалтай байлгасаар байна. Магад тэдний гол зорилго энэ ч байж болох. Аймаар юм.

Continue Reading

Random thoughts

бичигч + уншигч

4 Comments

Хэнд зориулж бичихээс шалтгаалж бичлэгийн агуулга, хэв маяг асар өөрчлөгдөх юм. Угаасаа хүн харилцагчид, орчноосоо шалтгаалж байнга өөрчлөгдөж байдаг хойно… хүн гэртээ нэг өөр, ажил дээрээ нэг өөр, найзуудтайгаа нэг өөр. Охид зүв зүгээр арзагнаж сууж байгаад эрэгтэй хүүхэд ороод ирэхээр учиргүй айлгүйтаж, янз янз болж эхэлдэг шиг хүмүүс алхам тутамдаа хэн нэгний өмнө жүжиг тавина…

Миний энд бичдэг зүйл ч гэсэн Бодролд ордог хүмүүсээс их шалтгаалдаг болжээ. Наад зах нь өчигдөр хэрхэн яаж сахилгүйтсаныхаа талаар бичиж болохгүй, айгүй л бол ээж орж ирээд уншчихна… Учиргүй хар ярианы үг яриа хэрэглэж болохгүй, айгүй л бол асар хүмүүжилгүй охин байна гээд хүмүүс янзан бүрээр бодчихно, шал далий зүйл бичиж болохгүй, хэнд хэрэгтэй юм гээд хүмүүс уурлана, таниж мэдэх хүмүүсийн талаар хамаагүй бичиж болохгүй, айгүй л бол тэд олоод харчихна…

Хэрвээ би зөвхөн өөртөө зориулж бичдэг байсан бол юу бичих вэ? Нууцаар тэмдэглэлийн дэвтэр хөтлөхөд ч гэсэн миний дэвтрийг хэн нэгэн олоод уншчих байх гэсэн бодол толгойд байнга эргэлддэг шүү дээ. Уншигчийн талаар огт бодолгүй юм бичиж болох уу? Наад зах нь би үүнийг Монгол хэл дээр бичиж байна аа гэдэг Монголоор ярьдаг хүмүүст зориулж буйн шинж. Миний бичих зүйлс Монгол хэлний дүрмээр хязгаарлагдана, үг үсэг бүр нь тодорхой хүлээн зөвшөөрөгдсөн утга агуулна. Зөвхөн өөртөө зориулж бичихийн тулд цоо шинэ, зөвхөн өөрөө мэдэх хэл зохиох хэрэгтэй гэсэн үг үү?

Гэхдээ зөвхөн өөртөө зориуллаа ч гэсэн, би маргаашийн Jagie, таван жилийн дараах Jagie үүнийг уншина гэсэн бодолтой л бичих байх. Тийм ч учраас би өнөөдрийн Jagie-г аль болох зөвтгөхийг бодно. Угаасаа уншигчгүй текст гэж байхгүй шүү дээ. Нээрээ, уншигчгүй текст ямар байдаг бол?

Continue Reading

Music/Film, Random thoughts

operatic musings

5 Comments

This weekend I got my fix of high culture for the season. My parents came to town and we went to the Metropolitan opera to see Verdi’s “Falstaff”. The opera was fine… I guess Falstaff’s “Can honor fill your belly” aria was the high point. The thing about opera that amuses me the most is the whole physical set up of the event. An opera house is such a culturally saturated space, it absolutely reeks with high culture. People are dressed up, they try to look their part, everybody seems to project a very “refined” vibe. What can a space do to a person? It’s amazing, really. Then again, operas ARE beautiful…

Гэснээс, энэ зун Монголд хэд хэдэн дуурь, балет үзсэн юм байна. Сонирхолтой л юм байна лээ, гэхдээ манайх энэ янзаараа байгаад байвал сонгодог урлаггүй болох юм шиг санагдсан. 1-т, театр явдаг хүн ховор болсон байна билээ. Нэг үдшийн тоглолтыг 20-30 хүн үзэж байгаагийн ихэнх нь жуулчид байх жишээтэй. Үзэгчгүй театр гэж угаасаа юу байхав дээ. 2-рт, бүжигчид, дуучид, хөгжимчид нь ерөнхийдөө муудаж байна даа гэсэн сэтгэгдэл төрсөн. Цагтаа манай театр асар сайн байсан гэдэг биз дээ? Ер нь энэ янзаараа явах юм бол цаашдаа улам бүр муудах шинжтэй.

Манай театруудын хамгийн том бэрхшээл нь санхүүгийн асуудал байх л даа. Ганц жүжиг тавих гэхэд л асар их мөнгө зарцуулах шаардлагатай болно. Өнөөдөр Дуурь бужгийн эрдмийн театрт тавигдаж байгаа жүжгүүдийн хэд нь хэдэн арван жил болсон тайз чимэглэл, хувцас хэрэглэж байгаа бол? Намайг “Жизель” үзэхэд лав зураач гэдэг дээр нэг Орос нөхрийн нэр байх шиг байсан. Өөрсдийгөө шинэчлэхгүй, шинэ зүйл хийхгүй бол хөгжихгүй шүү дээ. Мөн өнөөдөр жүжигчид хэдэн төгрөгийн цалин авч байгаа билээ? Жүжигчид ийм бага цалинтай байхад цаашдаа авъяастай хүүхдүүд театрт ирэхгүй шүү дээ. Уул нь театрууд төрөл бүрийн аргаар мөнгө хийж болмоор л санагдах юм. Өнөөх менежментын асуудал байх л даа. Манай театруудын дарга нар ямар мэргэжилтэй хүмүүс байдаг вэ? Аягүй л бол “урлагын хүмүүс” байх ёстой гээд нэг жүжигчин нь дарга болдог байх л даа… Уул шугамандаа эдийн засагчид байвал илүү үр өгөөжтэй бодлого баримтлах байх даа гэсэн, 😀

Тасалбарууд:

Тасалбар

The Metropolitan Opera

Continue Reading

Mongolia, Random thoughts

On voting

23 Comments

Сая асар procrastinate болоод Асуултын форум орсон чинь, нэг гар Монгол authoritarian rule-тэй болвол бүх зүйл сайжирна гэнээ. It really shocked me because what kind of a person rejects his right to vote? I mean, saying that you want to be under an authoritarian rule means that you deny your right to make a decision on anything. It seems that my generation takes for the granted our right to vote because ever since we became conscious, Mongolia was already a democratic nation. I know that a lot of my friends didn’t vote during the last presidential elections, which I find quite disappointing. Хүмүүс бүгд л засгийн газраа шүүмжлээд байх юм, but then did they vote during the last elections? If they denied their duty as a citizen to vote, how can they criticize? They had the opportunity to make their voices heard but nooo they refused, so яалтай ч билээ. Ер нь Монгол Австрали шиг сонгуульд оролцох иргэний үүргийг хуульчилмаар юм даа, саналаа өгөхгүй бол торгууль төлөөд сууж байна биз, hehe. But then сонгуульд саналаа өгөхөөр шал ядаргаатай, хуруун дээр хачин тэмдэг тавьчихдаг юм. Тэрийг болимоор юм аа, арилгах гэж наян жил. Anyways, this was just a random thought at 12 am, :D. I should get to sleep now, just hope I won’t dream about any elections or anything.

PS: I think Orwell said that ‘men never really learn from history’, yup yup… яг л үнэн хэлж дээ. After all the authoritarian regimes gone wrong, others still want it.

Continue Reading

Personal, Random thoughts

Толгойгоо ажиллуул!

7 Comments

Сүүлийн хэд хоног шөнө дөл хүртэл дэмийрч, ном сонин эргүүлж, мартагдсан дуунуудаа сонсож, янзан бүрийн төлөвлөгөө хийж, далий зүйл мөрөөдөж суулаа. Сайхан л байлаа. Хааяадаа ингэж байхгүй бол нэг л мэдэхэд өдөр тутмын асуудалдаа хэт баригдаад, учраа мэдэхгүй жирийн нэгэн кноп дарагч болчих юм шиг санагдах юм. Нэг л мэдэхэд толгойд орж ирэх бодлууд “За байз, би маргааш тийм юм хийх ёстой, нөгөөдөр хүнтэй уулзана, зав гаргаад тийшээ орно” гэх мэтээр хязгаарлагдаж эхлэнэ. Үүнийг анзаарахгүй, өөрт ноогдсон ажлаа хийх төдий урдахаа хараад л яваад байвал сүүлдээ өөр зүйлийн талаар бодох ч сэхээгүй болох мэт…

“Jagie, чи толгойгоо ажиллуулаач ээ”. Жоохон байхад аав надаa байнга ингэж хэлдэг байж билээ. Хэлэх тоолонд нь би гайхаад л, сүүлдээ толгойгоо ажиллуулахгүй бол загнуулна, яана даа ухааны юм боддог болсон юмдаг. Ааваас юм асуухаар, “Чи өөрөө толгойгоо ажиллуулаач ээ, битгий залхуур” гэж хэлнэ. Би ч хөөрхий аль болох “толгойгоо ажиллуулчих” санаатай л үзэж тараад байдаг байлаа. Заримдаа бусад хүүхдүүдийн аав нар “толгойгоо ажиллуул” гэж загнадаггүй юм байна лээ, манай аав өөдгүй гэж бодоод аавдаа гомдоно. “Аав заавал миний толгойг ажиллуулж яах гээд байгаа юм бэ, зүгээр байж л байна биз, хэцүү юм бэ” ч гэж бодно. Гэтэл одоо бодоход үүнээс илүү зөвлөгөө үгүй байж…

Толгойгоо байнга ажиллуулах хэцүү л дээ. Гаднаас ирж байгаа мэдээллийг тэр чигээр нь хүлээж аваад, өөрөө огт бодолгүй ажлаа автоматаар хийгээд баймаар санагдах үе зөндөө гарна. Гэхдээ заримдаа залхуураад, ном уншаад ойлгохгүй эсвэл хичээл дарамттай болоод ирэхээр “Tолгойгоо ажиллуулаач ээ” гэж өөртөө хэлэхэд арай л өөр болдог юм. Сонин шүү, нөгөө асар дурамжхан хүлээж авдаг байсан үгээ өөрөө өөртөө хэлээд сууж байдаг… амьдралаа гэж.

Хамгийн чухал нь толгойгоо ажиллуулах… залхууралгүй толгойгоо ажиллуулах…

PS: сэтгэл хөдлөөд асар cheesy юм биччихлээ… гэхдээ яадаг юм, I am a cheesy person, so be it! 😀

Continue Reading