Булсарагийн эхний цомгийн тухай сэтгэгдэл.
1. “Bleeder and leader”
Энэ дууг хамтлагийн тунхаг хэмээн үзэж байна.
Тэд new metal стилээр тоглохоо дараах мөрүүдээр тунхаглах мэт.
Сонсох дуртай дуу минь
Cowboys from hell.
Дураа хүрээд дуулмаар байвал
Cypress hill.
Хаагаагүй, нуугаагүй.
Аль алиныг нь сонсмоор байвал
Наашаа хэл.
(Cowboys from hell, Cypress hill гэсэн үгсийн дуудлагаар дээрхи мөрүүдийг нэгтгэн дуулсан нь үгсийг ялгаж сонсоход туйлын хүндрэлтэй болгосон мэт санагдана.)
Уртаашаа хол явна
Хааш хаашаа.
Холыг ойртуулж энд хэлнэ
Чадлаараа.
Уйлахгүй, унтрахгүй.
Улам ноцож түймэр дэгдээнэ
Цаашаагаа.
(Тэд өөрсдөө бүрэн итгэлтэй, хэзээд урагш тэмүүлэхээ тунхаглаж байна.)
I’m bleeder and leader
So bleeder.
Угаасаа, цуснаасаа Rocker man.
Хийвэл бүү ай
Үүнээс айвал бүү хий.
Мэлмий нээлгэх дотор хүнээ
Шоронд бүү хий.
I’m bleeder and leader.
Угаасаа, цуснаасаа Rocker man.
( “Би цус ханагч – удирдагч”.
Тэд сонсогчдоо муу цусаа хануулахыг санал болгож байна хэмээн ойлгоно.
Сэтгэл зүрхээ хорих хэрэггүй хэмээн тунхаглаж байна.)
Нүүрэн дээр чинь бөмбөг тэсэлнэ
Булсара.
Үүнийг харин амлаж чадна
Цусаараа.
Хөлдөхгүй, царцахгүй
Амьтан дууриаж хэзээ ч хайлж урсахгүй.
Зэврэшгүй, гацашгүй Калашников.
Энэ бол биднээс гарах Power metal.
Айгаагүй, нуугаагүй.
Өөрийн хүслээр байх нь жинхэнэ Фантастиш.
(Автоматын ээлж мэт дээрхи мөрүүдээр тэд өөрсдийгөө тунхаглаж байна.)
I’m bleeder and leader
So bleeder.
Угаасаа, цуснаасаа Rocker man.
Хийвэл бүү ай
Үүнээс айвал бүү хий.
Мэлмий нээлгэх дотор хүнээ
Шоронд бүү хий.
I’m bleeder and leader.
Угаасаа, цуснаасаа Rocker man.
Дуулах дуртай дуу минь
Энэхүү дуу.
Уйлах дуртай бол
Харин нааш бүү суу.
Галзуу ганц зууг
Эрүүл энхийн төлөөгөөр
Даруулаад уу.
(- Эрүүл энхийн төлөө !)
2. Жихүүн бороо
“Уйлах дуртай” хүмүүст зориулсан “хайлж урссан” энэ дуу тунхагаа бүрэн үгүйсгэх мэт санагдана.
Гадаа шиврэх уйтай, хүйтэн бороон дуу
Өнчин бодолд минь хань болж
Цонхны шилэнд уйлж, дуулж.
Хаалганы цаана зогсох
Зовлонт тэр бүсгүйн
Цээжинд хурах гуниг нь
Гаслан дунд ганцаардсаар.
(Хүйтэн борооноор уйтгарлах нэгэн хаалганы цаана зовлонд автсан бүсгүй буйгаар төсөөлж байгаа мэт.)
Гуниг хайгаагүй би.
Хүйтэн гийчинд уйтай.
Уйлж байгаагүй чамд.
Энэ бороо хүйтэн.
(Хүйтэн гийчинг бороо хэмээн ойлгоно.)
Жихүүн бороонд нуугдсан
Энэ цагийн уйтгар.
Урилгагүй зочны минь
Хөшүүн харцыг нааш хөөж.
Явган гуниг тээсэн гийчинд гомдолтой.
Хүйтэн харцанд жиндсэн би уйтгартай.
(Үргэлжилсэн хүйтэн борооноор уйтгарлах нэгнийг дээрхи мөрүүдээр тодотгосон мэт.)
Гуниг хайгаагүй би.
Хүйтэн гийчинд уйтай.
Уйлж байгаагүй чамд.
Энэ бороо хүйтэн.
Хувьгүй хүн хуртай уйлжээ.
Харц тулгарч тэд хамтдаа үүрдийг хайжээ.
Хувьгүй хүн хуртай дуулжээ.
Харц тулгарч тэд хамтдаа зуурдыг олжээ.
(Борооны дуслууд уйтгарлагч нэгэнд нулимс мэт, үргэлжлэн орох чимээ нь дуу мэт санагдах ажээ. Тэрээр өөрийгөө хаалганы цаана байгаа бүсгүйтэй хамтдаа эндээс одож буйгаар төсөөлөх мэт.
“Хуртай уйлах, хуртай дуулах” гэсэн утгын алдаатай мэт санагдах хэллэгүүдийг “хурнаар уйлах, хурнаар дуулах” хэмээн ойлгов.)
Гуниг хайгаагүй би.
Хүйтэн гийчинд уйтай.
Уйлж байгаагүй чамд.
Энэ бороо хүйтэн.
(Уйтгарлагч төсөөлөлөөсөө эргэн ирэх мэт.
Энэ дууны текстын учрыг олохыг оролдох нь танд сонирхолтой байх болов уу.
– Хүйтэн байна шүү. Удахгүй дулаацах байх аа.)
3. Майдарын эрин
Саарал манан, оддын бороо
Харанхуй зууны үүдийг нээхэд
Нарны сүүдэр хоосон тэнгэрт
Сүүлчийн гэрлийг уусган одлоо.
(Дээрхи мөрүүд солирын бороонд дэлхий ертөнц өртөн, бүхэлдээ харанхуйлан, гэрэл гэгээ үгүй болсон мэт сэтгэгдлийг төрүүлэх мэт.)
Цайдам хөндий, хөхрөх уулсаас
Утгын үзүүр олддог байсан.
Тэнгис далай, цэнгэг агаар
Жаргалын галыг асааж байлаа.
(Солирын борооноос өмнөх дэлхий ертөнцийн зураглал.)
Маргаашийн нар мандах уу
Зэвэрсэн ертөнцөд.
Алдарсан итгэл тээж
Бид сэрэх үү, зүүднээсээ.
(Түнэр харанхуй нөмөрсөн мэт энэ ертөнцөд юунд итгэж цааш амьдрах вэ гэсэн асуулт тавих мэт.)
Нойргүй зүүдэнд цөмийн шуурга.
Аниргүйг сонсоход чимээгүй орилоон.
Төмөр зүрхэнд нуугдсан сэтгэл.
Тааж болшгүй нэгэн таавар.
(Дээрхи дөрвөн мөр өөрийн утгаа бүрэн төгс илэрхийлэхээр туйлын оновчтой буусан мэт санагдана.)
Саарал манан, оддын бороо
Харанхуй зууны үүдийг нээхэд
Нарны сүүдэр хоосон тэнгэрт
Сүүлчийн гэрлийг уусган одлоо.
Маргаашийн нар мандах уу
Зэвэрсэн ертөнцөд.
Алдарсан итгэл тээж
Бид сэрэх үү, зүүднээсээ.
4. Ийм л байг
Энэ дууг бүжиглэх дуртай бүх хүнд зориулсан мэт санагдана.
“Бүгд бүжиглэцгээнэ. (Танцуют все)” 😀
Нар тэнгэртээ уйдаж л байг.
Үүл наагуур нь нүүж л байг.
Сар арай чүү сүүмийж байг.
Шар шувуу үүрэндээ үүргэлж байг.
Хааяа би уйдаж л байг.
Хааяа би хязгааргүйн дунд тэсэрч байг.
Хаана ч очсон нар мандаж байг.
Харин үдэш нь жаргаж байг.
Шөнө бүр биш ч сар сүүмийж байг.
Сүүдрийг минь газар тусгаж байг.
Салхи исгэрэн шуугиж байг.
Хааяа сэвэлзэн намайг илбэж байг.
Зарим хүн өс өвөрлөн амьдарч байг.
Гэвч түүнийгээ мартан инээж байг.
Хааяа би уйдаж л байг.
Хааяа би хязгааргүйн дунд тэсэрч байг.
Хаана ч очсон нар мандаж байг.
Харин үдэш нь жаргаж байг.
Шөнө бүр биш ч сар сүүмийж байг.
Сүүдрийг минь газар тусгаж байг.
Хөх тэнгэр мөнхөд оршино.
Түүний дор ертөнц эргэнэ.
Өвөл зун ээлжилж байдаг.
Өдөр шөнө ээлжилж байдаг.
Нар сарны хооронд оршиж
Насны сүүлд уйлуулж буцна.
Ийм л байг.
( – Хаана ч очсон нар мандаж байг.
Харин үдэш нь жаргаж байг.)
5. All up
Татартай хамтарсан энэ дууны текст цомогт байгаагүй тул сонсголоороо буулгах гэж оролдлоо. Алдаа мадаг гарсан бол залруулна биз ээ.
Тодорхойгүй үг, өгүүлбэрүүдийг *** – р тэмдэглэв.
Бид энэ дуун дээр
Өөрийнхөөрөө үглэе.
Бараг гурвуулаа рок
Цуг – цуглая.
Рок амьдаар ***
Үл рок гэж бүү чичлэе.
Энэ дуун дээр гурвуулаа дуулаад
Нэг нэгээрээ биш бүгдээрээ нэгдье.
Нэг л сонин үнсэлтээр
Булсаратай хамтаар
Би ч гэлтгүй , чи ч гэлтгүй
Бүгдээрээ нэгдье.
( :blink: )
Бид бүгдийн стиль rap, hip – hop.
Rap dance хийж байвал don’t stop.
Бидний нэрийг Татар.
Дууг нь сонсоод сатаар.
Хойшид хийх бүх зүйл
Бид өөрийн гараар.
Хөөе чи, сонсож бай.
Бидний дуулах дууг
Одоо тэгээд сонсож бай.
Бидний дуулах дууг
Одоо үл тоох аашит
Сонсож байгаад *** цаашид .
Би одоо эхлэе.
Чи биднийг дагаад дуул.
Бид үүнийг хийж байна.
Чи одоо биднийг сонс.
Энд Татар хамтдаа, дандаа.
Бид үүнийг хийлээ, хамтдаа.
Би одоо эхлэе.
Чи одоо биднийг сонс.
Бид рокыг, бид рокыг
Бас Булсара рокыг
Эдэнтэй бас, бидэнтэй бас
Бүгдээрээ рокыг дуулж чадна, дуулж чадна.
Чи зүгээр ***
Надад хэлэх гэсэн үг бий.
Түүнээ сугалья.
Бас ***
Би өөрийнхөө дуугаар шүлэг хэлье.
Шүлэг хэльe, бүлэг хэлье.
Ам бүлэг хэллээ.
***
***
***
***
***
***
*** .
( :silly: )
Энэ дуугарах нь.
Нус сугарах нь.
Урам хугарах нь.
Гугарах нь, зугарах нь.
Ахиад гугарах нь, гугарах нь.
Сугарах нь.
Би ингэж яриад
Дандаа муужрах нь, муужрах нь.
( :laugh:
Хамрын ханиад хүрсэн үедээ нусны алчуураа мартсан нэгний үг гэлтэй дээрхи мөрүүд энэ дууны хамгийн утгагүй хэсэг мэт санагдана.
“Татааруудаас болгоомжил” гэсэн үг байдаг билээ, :D)
Би одоо эхлэе.
Чи биднийг дагаад дуул.
Бид үүнийг хийж байна.
Чи одоо биднийг сонс.
Энд Татар хамтдаа, дандаа.
Бид үүнийг хийлээ, хамтдаа.
Би одоо эхлэе.
Чи одоо биднийг сонс.
Үүнийг би нааш нь нуугаагүй.
Бусдыг би доош нь хийгээгүй.
Татарыг надаас чи асуусан уу?
Тэгвэл бид цааш нь…
Go , go
Би одоо эхлэе.
Чи биднийг дагаад дуул.
Бид үүнийг хийж байна.
Чи одоо биднийг сонс.
Энд Татар хамтдаа, дандаа.
Бид үүнийг хийлээ, хамтдаа.
Би одоо эхлэе.
Чи одоо биднийг сонс.
(Төгсгөл.
– Дарсан өргөст хэмхийн шүүс уух уу?)
