Хэн билээ дээ, нэг хүн, “Таны хобби юу вэ” гэсэн асуултанд “Би чөлөөт цагаараа толь бичиг уншиж таашаал авдаг” гэж хариулахыг сонсоод савж унаж билээ. Тэгсэн яасан байхав, толь бичиг унших үнэхээр сонирхолтой юм байна, сая л мэдэрлээ. Я. Цэвэлийн “Монгол хэлний товч тайлбар толь” (1966)-аас:
Налзалцах – намалзах, хотолзох
Үнжрэг – зэвгүй сум
Ягаа – эмээлийн дөрөө ба гэрийн багананы толгойд гоёж хийсэн хээ угалз, цэцэг зэрэг юм
Ланцүй – мэс заслын хутгa, хурц үзүүртэй хоёр талдаа иртэй
Ийглэх – үхэр цуцайлан дугарах
Замбаа – арвайн гурил
Ооно – эр зээр
Өеө – гэдэргэн хэлбүү
Тагли – хадаас зэрэгт тав гаргах нүхтэй төмөр багаж
Увайлах – тоомсорлох, хайхрах
Ужиг – удаан, нөр, назгай
Үлэх – үлдэх, хоцрох, багцаалж хэмжих
Халц – хүч нэмэгдүүлэх үг
Цоцуурь – харгис муу хүн
Шүй – гааль, түрээс
Алхаг – залхуу, заваан, задгай
Дээрх үгсийг бүгдийг нь ашигласан утга учир бүхий хэдэн өгүүлбэр бичсэн хүнд гого бэлэг явуулна, 😀
PS: Өнөөдөр World Aids Day шүү, яг яах ёстойгоо мэдэж байгаа биз дээ гэсэн, 😛
